جنت میں پہنچانے والا عمل
طبرانی شریف کی روایت ہے کہ ایک صحابی رضی اللہ عنہ نے اللہ کے محبوب صلی اللہ علیہ وسلم کی خدمت میں حاضر ہوکر عرض کیا اے اللہ کے نبی صلی اللہ علیہ وسلم مجھے کوئی ایسا عمل بتادیجئے جس کے کرنے سے مجھے جنت مل جائے نبی علیہ الصلوٰة والسلام نے فرمایا:۔ غصہ نہ کیا کر‘ اللہ رب العزت اس عمل کی وجہ سے تجھے جنت عطا فرمادیں گے۔ حدیث میں آتا ہے جو جنت میں اونچے محل اور اونچے درجات چاہتا ہے اس کو چاہیے کہ جو توڑے اس سے وہ جوڑے‘ جو محروم کرے اسے وہ عطا کرے جو ظلم کرے اس کو معاف کردے۔ یعنی ان تین کاموں کے کرنے والے بندوں کو اونچے محل اور اونچے درجات نصیب ہونگے۔